Qalmaqallı Hadisə: Respublika Robot Olimpiadasında Nəticələr Ləğv Edildi 🤖

Respublika Robot Olimpiadasında qalmaqallı hadisə

VIII Respublika Robot Olimpiadasında qalib gələn bəzi komandaların nəticələrinin ləğvi valideynlər və təlimçilər arasında narazılıq yaradıb.
Olimpiada Azərbaycan Robotexnika Mühəndisliyi Akademiyasının (AREA) təşkilatçılığı, Gənclər və İdman Nazirliyinin dəstəyi ilə keçirilib.
Yarışda birinci və ikinci yerləri tutan bəzi komandaların nəticələri ləğv edilib. Rəsmi olaraq səbəb kimi “plagiat” olması göstərilib. Lakin valideynlər və təlimçilər iddia edirlər ki, qərar əsassızdır və yarışın nəticələri əvvəlcədən planlaşdırılıb.
Onların sözlərinə görə, mükafatlar təşkilatçı qurumun tələbələrinə verilib.
“Uşaqlarımız birinci yeri tutub, qızıl medal qazanıblar. Bizə onların birinci yer tutduqlarına görə Sinqapura gedəcəkləri bildirildi. Sonra AREA-nın direktoru Rəhman Rəsulzadə uşaqlarımızın diskvalifikasiya olunduqlarını söylədi. Səbəb kimi övladlarımızın hazırladıqları robotla rəqib komandanın robotunun oxşar olduğunu dedi. Bizimkilərin yerinə keçənlərin hamısı AREA-nın tələbələridir”, – deyə valideyn Nailə Namazova bildirib.
AREA-nın direktoru Rəhman Rəsulzadə isə sözügedən iddiaları təkzib edib. O bildirib ki, valideynlərlə görüş keçirilib, məsələ sübutlarla izah olunub.
Gənclər və İdman Nazirliyindən isə hazırda məsələnin müvafiq şöbədə araşdırıldığı və nəticəsi barədə məlumat veriləcəyi qeyd olunub.

Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E

https://t.me/bakutvxeber
https://x.com/bakutvofficial
https://www.instagram.com/baku.tv
https://www.baku.tv

Respublika Robot Olimpiadasında qalmaqallı hadisə

2025 © All Rights Reserved ℗ "Baku TV" LLC ™


#bakutv #robotolimpiadası #qalmaqal #hadisə #respublika #bakuTV #texnologiya