هل الترقية لويندوز 11 قرار صحيح؟ مميزاته الرئيسية

نسرد مميزات ويندوز 11 ثم نجيب علي سؤال مهم وهو هل الترقية إلي ويندوز 11 قرار صحيح؟
مميزات ويندوز 11
1. الواجهة والتصميم
طبعا المقصود هنا سطح المكتب وشريط المهام وشكل الأيقونات عموما Visual Effects أو المؤثرات البصرية.
كل ده مختلف تماما في ويندوز 11، مثلا شريط المهام اللي هو تاسك بار هتلاقي الأيقونات موجودة في النص وهتلاقي قايمة إبدأ جهة اليسار لو الويندوز عندك باللغة الإنجليزية أو جهة اليمين لو الويندوز باللغة العربية.
أيقونات سطح المكتب مختلفة ولو دخلت علي زيس بي يس هتلاقي أيقونات الأقراص الصلبة والأجهزة الخارجية سواء كانت هارد خارجي أو فلاشة، كل ده الشكل بتاعه اختلف عن ويندوز 10.
حتي الانتقالات اللي هي الترانزيشنز ما بين البرامج أصبحت مختلفة، بصفة عامة، ويندوز 11 من حيث الشكل والمظهر فهو يشبه إلي حد كبير نظام الماك في أجهزة أبل.
2. تطبيقات الأندرويد
طبعا دي تعتبر طفرة في نظام ويندوز، قبل كده عشان تشغل تطبيق أندرويد أو لعبة زي بابجي مثلا، كان لازم تنزل مُحاكي للأندرويد علي جهازك، وللأسف البرامج دي زي بلوستاكس ملهاش كبير، ممكن يكون جهازك امكانياته فوق المتوسط ومع ذلك بتلاحظ لاج وتقطيع كتير جدا وتهنيج والبرنامج بيخرج فجأة لوحده ومشاكل كتيرة للأسف.
لكن الميزة دي هتفرق معانا جدا خاصة للناس الجيمينج هتقدر تلعب بابجي براحتها كأنك بتشغل أي لعبة كمبيوتر عادية علي جهازك بدون تهنيج أو تقطيع وتنسي خالص كل المشاكل اللي كنت بتتعرضلها في أي برنامج محاكي.
تطبيقات الأندرويد متاحة في متجر مايكروسوفت ستور ، تقدر تبحث عن أي تطبيق أو لعبة انت عاوزها وتثبتها كأنك بتثبت برنامج vlc مثلا علي جهازك.
3. التنقل السهل والسريع بين البرامج
الميزة دي مفيدة في تعدد المهام في نفس الوقت، لو عندك أكتر من برنامج وبتحتاج تتنقل ما بينهم، فالميزة دي اللي هي سناب جروب أو سناب لاي أوت، بتسمح لك بترتيب البرامج اللي انت شغال عليها بشكل متناسق بحيث إنك تقدر تتنقل ما بين البرامج المفتوحة بكل سهولة وبسرعة جدا.
الميزة دي بتكون فعالة جدا مع الشاشات اللي حجمها كبير؛ لأنك بتقدر تفتح عدد أكبر من البرامج وبتعرضهم في نفس الوقت جنبا إلي جنب، ورغم كده هي مازالت مفيدة علي الشاشات الأصغر.

4. دمج مايكروسوفت تيمز ضمن التطبيقات الأساسية
أعتقد سبب طرح الميزة دي بديهي جدا وهو إن في ظل جائحة كرونا، أصبح بنعتمد بشكل أساسي علي التعليم عن بعد أو حتي أي لقاءات مرتبطة بالعمل فلازم تكون أون لاين، فبالتالي الظروف هي اللي فرضت نفسها علي مايكروسوفت وكان لازم تضيف برنامج تيمز ضمن الواجهة الجديدة لويندوز 11.
فيه ميزة قوية جدا في مايكروسوفت تيمز ربما لم يعلمها أحد، وهي إنك تقدر تتواصل مع أي حد باختلاف نظام التشغيل بتاعه، يعني مثلا لو انت جهازك ويندوز، فتقدر تتواصل مع صاحبك اللي جهازه أندرويد أو آيفون أو ماك أو حتي لينكس والعكس صحيح.

5. التطبيقات المصغرة أو widgets
اللي مش عارف يعني إيه ويدجيت هي نفس التطبيقات اللي بتظهر علي الشاشة الر~ئيسية بالموبايل بتاعك، زي مثلا معلومات عن الطقس - آخر الأخبار في المجالات اللي انت مهتم بيها - أسعار العملات - بصفة عامة أي حاجة انت مهتم بيها بتضيفها ضمن سطح المكتب بحيث إنك تقدر توصل للحاجة اللي انت عاوزها بسرعة.

6. تحسين جودة اللمس وجودة القلم
طبعا الميزة دي للناس اللي أجهزتها تعمل باللمس، وهي بتتمثل في استجابة اللمس ورد فعل القلم لما تكتب أي حاجة علي الشاشة أصبحت أسرع وأفضل بكتير جدا من قبل كده.
لأن كتير من المستخدمين اشتكوا من النقطة دي والموضوع لم يكن متعلق بهاردوير فبالتالي مايكروسوفت كانت لازم تتدخل وتحسن من أداء السوفت وير، فخلاص انسي بقي التهنيج أو البطء الشديد في رد فعل خاصية اللمس مع ويندوز 11.
=======================
موقع estafed1.com يقدم كل ما هو هادف في عالم التقنية حيث تقوم بتقديم محتوى عربي مميز في عالم الكمبيوتر حيث نقدم مواضيع عن الكمبيوتر والانترنت بشكل عام، بالأخص برامج الكمبيوتر ، وايضا شروحات للبرامج وشروحات للانترنت ، وايضا آخر الاخبار الهامة في عالم الكمبيوتر والانترنت ، ونستعرض مشاكل الكمبيوتر التي تواجهنا اسباب وحلول بشيء من التفصيل.
========================================
تقديم الدعم الفني والمساعدة ( مجانًا )
Facebook Group: https://bit.ly/2HaCWOC
Facebook Page https://bit.ly/2HFTy0n
instegram https://bit.ly/2RolFR7
Whatsapp 01060076118 / wa.me/201060076118
========================================
تابعنا وتواصل معنا
twitter https://twitter.com/estafed11
youtube https://bit.ly/2Rtm9Fy
tumblr https://bit.ly/2FWHypn
linkedin https://bit.ly/2Rs0HRl
pinterest https://bit.ly/2G2oLcz
reddit https://bit.ly/2FZnfrg
Official Website: estafed1.com
========================================
ادعمنا ماديًا:
patreon https://www.patreon.com/user?u=9583478
paypal https://bit.ly/2WtFmuB
Vodafone Cash: 01060076118
ادعمنا معنويًا:
إعجاب للفيديو، واشتراك في القناة
للأعمال التجارية:
البريد الالكتروني : elshrbiny.elsaid@gmail.com
For Business:
Email: elshrbiny.elsaid@gmail.com