كل عين تعشق حليوة... كلمات أحمد فؤاد نجم 🇪🇬

كلمات الشاعر أحمد فؤاد نجم <br />**** <br />كل عين تعشق حليوة <br />و إنتي حلوة في كل عين <br />يا حبيبتي أنا قلبي عاشق <br />و اسمحيلي بكلمتين <br />كلمتين يا مصر يمكن <br />هما أخر كلمتين <br />حد ضامن يمشي آمن <br />أو مِـآمن يمشي فين <br />.......................... <br />شابة يا أم الشعر ليلي <br />و الجبين شق النهار <br />و العيون بحرين أماني <br />و الخدود عسل و نار <br />و اللوالي ( اللؤلؤ) بابتسامتك <br />يحكوا أسرار المحار <br />يللي ساكنة القصر عالي <br />إيمتى يهنالي المزار <br />كلميني يا صبية <br />طال علي َّ الانتظار <br />كلمتين يا مصر يمكن <br />هما أخر كلمتين <br />حد ضامن يمشي آمن <br />أو مِـآمن يمشي فين <br />..................... <br />قصرك المسحور غيلانو <br />أغبى من دود الغيطان <br />بعد مص الغصن الاخضر <br />ينحتوا عضم العيدان <br />و اللي خلى الارض خضرا <br />و اللي خلى الدار آمان <br />عاش بجور ملو جوفه <br />مات بخوفه من الغيلان <br />طوّع الغلبان <br />ما قالش عن شقا العمر اللي كان <br />كلمتين بمصر يبقوا <br />هما أخر كلمتين <br />حد ضامن يمشي آمن <br />أو مِـآمن يمشي فين <br />.................... <br />أدي كلمة من عذابي قلتهالك <br />باقي كلمة <br />من حنيني صنتهالك <br />في الضلوع من دنيا ظلمة <br />كنت خايف يلمحوها <br />يقتلوها في سكة ظلمة <br />سقسقت و النور بشاير بشاير <br />زهرة الصبار يا سلمى <br />يا نسيم الشوق يا طاير يا طاير <br />خد لمصر في الصبح كلمة <br />طول ما يبقى الركب ساير <br />بالبصاير و العينين <br />يبقى ضامن يمشي آمن <br />يبقى عارف يمشي فين