حفل فرنسا 1984: خالد الإسلامبولي وأحمد فؤاد نجم يرويان قصة البطولة والتضحيات 🇫🇷

أصل الحكاية ولد .. فارس ولا زيه <br />خد من بلال ندهته .. ومن النبي ضيه <br />ومن الحسين وقفته .. في محنته زيه <br />قدم شبابه فدا .. والحق له عارفين <br />*** <br />خالد <br />يا ابن الربيع والأمل .. والشمس والزينة <br />مين يا فتى أعلمك .. فعل الخريف فينا <br />وكبرت برة الزمان .. اللي ابتلاك بينا <br />نايمين على ودننا .. مع إننا عارفين <br />*** <br />صاح من سكون الخرس .. كروان بغنيوة <br />الملك لك يا فتى .. يا مصري يا حليوة <br />رقصت نجوم الفلك .. بالضي تتعانق <br />والشمس ويا القمر .. في برجهم عارفين <br />*** <br />شيل الغطا يا عطا .. عبد السلام مددين <br />عبد الحميد يا فتى .. قطب الرجال يا حسين <br />داعي المروءة دعا .. والعمر مش عمرين <br />خالد يقول صحبتي .. واحنا الجميع عارفين <br />*** <br />الله أكبر هنا .. ع الباغي والجبار <br />طعن الفتى طعنته .. خار الأغا وانهار <br />المجد ده ابننا .. والفارس الكرار <br />راكب على مهرنا .. والكدابين عارفين <br />*** <br />مين يا فتى علمك .. لعب العصا ع الخيل <br />وازاي قطفت القمر .. من فوق شواشي الليل <br />وطبعت نجم السما .. بالوشم على زندك <br />الاسم خالد .. ولكن عاشق ولك هندك <br />أم الدلال علمك .. طبع الأسود عندك <br />مين يا فتى علمك .. عشق الملاح والميل <br />هندك يا أدهم هنا .. أصلك وسلسالك <br />والناس يا خالد .. هنا عمك ، هنا خالك <br />يا غنوة من قهرنا .. اسمك وموالك <br />ويا الربيع والامل .. في دمنا عايشين <br />وليه اجيب ناس .. لمعناة الكلام عارفين <br />واحنا الامارة .. اذا حفظوا الوداد عارفين