How to Handle a Controlling Boyfriend 💔

#ControllingBoyfriend

Dear Chixie,

Maayong adlaw. Ako diay si Gia. Naa koy boyfriend nga itago nalang nato sa pangalan nga Renz.

College classmates mi ni Renz ug nagka developay mi tungod kay gi-dare mi sa among classmates nga mag-date.

Niadtong higayona, NBSB ko while si Renz, gikan og breakup. Ganahan ko ni Renz Chixie. Naa niya ang akong gipangita sa usa ka lalaki maong wa madugay, ako siyang gisugot dihang gipanguyaban ko niya human mi nakagraduate og college.

Sa among kadugay Chixie, naa koy namatikdan kang Renz nga maora nako niya og gituok. Gikan sa unsa akong suoton hangtud kinsa akong mga kuyog, manghilabot siya. Usa ka adlaw nga padulong mi manglakaw, iya kong gikasab-an kay revealing ra daw ang akong gisuot bisan kon dili gud.

Love nako si Renz, Chixie, pero nasobraan siya ka-controlling.

Unsa man ang akong angay nga buhaton?
Gia