Mustapha Dellagi - manich labes | مصطفى الدّلاّجي - مانيش لاباس

مانيش لاباس
ڤوالة
أنا في حبّك مجنون .... لِي دار يڤطّع في ثُوبة
أنا في حبّك مسجون ... اللِّي حرِّيتَه مسلوبة
حبّك خدّرني تخدير ... ووما باتش توفى الغيبُوبة
عايش في حبّك سكران .... ونْشوف في الدِّنيا مڤلوبة
جرالي في حبِّك كي الكافر ... لِي مات وفاتتَّه التُّوبة
أنا عشڤتك عشڤ المومن ... وإنت للّة أوِّل ذنوبة
____________
رآآآني ـ في حالة حليلة ...... رآآآني ـ شبت وراسي كليلة
شنحوالك ـ مانيش لاباس ... شنحوالك ـ من بنت النّاس
شنحوالك ـ ماعندي حيلة ... حال الكرموس في العديلة
ــــــــــــــــــــــــــــــــ
رآآآني ... جافل .. كافل ......... عالرُّوحي بيباني ڤافل
مسكّر بابِي كابِي خابِي ...... تڤول علي خايف م الرّافل
ڤلبي حبْ طبْ وشبْ ....... للخلى وڤدى لفتيلة
رآآآني ... خايفْ .. نايفْ .......... لا ماكل لا شارب عايف
عڤلي خفْ تلفْ سرفْ ..... باڤي قلبي عليها رايف
حرنْ وحنْ سكنْ وكنْ ........ زيد بايعني شيلة بيلة
ـــــــــــــــــــــــــــــــــ
رآآآني ... حاير .. داير .............. في جرّت ڤلبي نتعاير
نمشي هامة جهامة صمامة ... ترنكُوش ومانيشي باير
عودي نحلْ ذبلْ تسلْ .......... بالڤدرة وعايش بالحيلة
رآآآني ... هايم ..لايم ......... عالرُّوحي في النّاشح عايم
طُبتْ نحبتْ ذبتْ شربتْ .. بلا رمضان أنايا صايم
وهاني إنّامْ منامْ ڤيامْ ....... وسميّة مڤيِّل تعسيلة
ـــــــــــــــــــــــــــــــــ كلمات وألحان وغناء مصطفى الدّلاّجي
ادارة الاعمال __ pour les reservations mustapha dellagi
خو العروسة 98249782 _ 53782249
للحفلات الخاصة والمهرجانات في تونس وفي خارج تونس
Pour des soirées privées et les festivals en Tunisie et en dehors de la Tunisie
For private parties and festivals in Tunisia and outside Tunisia