Top News - Irani nuk e di ku i ka vendosur minat...ndaj nuk po e hap Ngushticën e Hormuzit

Zyrtarët amerikanë kanë thënë se regjimi iranian nuk mund t’i gjejë minat që ka vendosur në Ngushticën e Hormuzit. Thuhet se kjo është arsyeja pse regjimi ka penguar rihapjen e korridorit jetësor të transportit detar për më shumë trafik. Armëpushimi i brishtë, i vendosur të martën, varej nga rihapja e Ngushticës së Hormuzit nga Teherani. Në një raport nga The Neë York Times, zyrtarët amerikanë thanë se rrugët përmes ngushticës ishin të kufizuara sepse minat ishin vendosur në mënyrë të rastësishme. Gjithashtu nuk është e qartë nëse Irani ka regjistruar se ku i ka vendosur minat të cilat edhe mund të kenë lëvizur ose ndryshuar pozicion që kur u vendosën në ngushticë. Dhe Irani nuk ka aftësinë të heqë shpejt minat që ka vendosur, thanë zyrtarët. Komanda Qendrore Amerikane tha në X se dy shkatërrues me raketa të drejtuara të Marinës Amerikane kanë kaluar nëpër Ngushticën e Hormuzit të shtunën për të ndihmuar në pastrimin e rrëmujës. “Sot, ne filluam procesin e krijimit të një kalimi të ri dhe do ta ndajmë këtë rrugë të sigurt me industrinë detare së shpejti për të inkurajuar rrjedhën e lirë të tregtisë”, tha admirali Brad Cooper.
Trump i tërbuar e kritikoi regjimin më herët këtë javë për vendosjen e një tarife prej 2 milionë dollarësh për çdo cisternë nafte që kalon nëpër Ngushticën e Hormuzit, ndërsa tha: “Kjo nuk ishte marrëveshja jonë.”
Por vetëm dy cisterna nafte arritën të kalonin nëpër Ngushticë përpara se Irani të njoftonte se kishte ndaluar trafikun në rrugën ujore të mërkurën.
Një burim në Marinën Iraniane konfirmoi mbylljen e Ngushticës, duke u thënë mediave shtetërore se "vetëm dy cisterna nafte ishin në gjendje të përfitonin nga armëpushimi dhe të kalonin nëpër Ngushticën e Hormuzit përpara se 'Izraeli' të shkelte marrëveshjen". Regjimi iranian më pas publikoi një hartë të frikshme që u tregonte cisternave se si mund të kalonin përmes minat vdekjeprurëse detare të shpërndara në të gjithë ngushticën.



Pamje:AFP

Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#TopNews#Iran#Minat