03 Muslim - Ga3 Ma 3la Bali (2014) | Moroccan Rap Song 🎶

03 - Muslim - Ga3 Ma 3la Bali 2014 مسلم ـ كاع ماعلا بالي

مسلم...
ماعنديشي مع ديك خانا مريط
حاسب فراسو معنطز فهمتي
كتعرفو مزيان ؟
لا ماكانعرفوشي ..غير كانشوفو في التيليفزيون و فالراديو فاليوتوب
مرّة مرّة كي دوز حدايا
شني هو كيعرفني مزيان
ياك ؟ ماين كيعرفك ؟
واحد المرّة تصورت معاه
هاهاها

مكتعرفنيشي
مكتعرف عليا والو
غير قالولك وحكمتي باللي قالوا
كتشوفني دايز حداك بالي كـاع ماعلى بالوا
كتبقى بوحدك مطعون والدموع فقلبك سالوا
رخف على راسك راه فحالك بزاف مورايا دبالوا
توقف فطريقي زعما ؟؟
عتزول فحال لي زالو
بنادم عملني فبالو مألف فيلم غير فخيالـو
كيكذب على راسو وكيتيق ويعيش الحلم ديالو
شفق على راسك متبقاشي معذب
كاتشوفني هارب
كنشوفك غادي طيح مكركب
دردب
شكون كذب عليك راك غـير مقولـب
بلا متحاول تلحقني بعيد عليك فحال شي كوكب
مكتحملنيشي حيت حاسدني وباغي تكون فمكاني
جيبت العـز فالراب حيت ربي عطاني لساني
مكنعرفكمشي كـاع
علاش كتقولو عدياني ؟؟!!
مكنعترفشي بيكم
قولو عليا أناني

كي هضرو كي قولو و أنا كاع ما علا بالي
التبرهيش التبرزيط سمحولي ماشي مسالي
تكابلني تساعفني تبقا شفايا دلالي
حيت كانعيش باش نموت و نخلّي راسي عالي


مكتحملنيشي حيت قلبك كحال بزاف وضيق
تكابلني تحمق
تساعفني ؟! أنا كاع مانعبـق
قلبك عامر عليا بزاف كنشوفو قريب يطرطـق
دمك يتحرق
ملّي تشوفني فسينطو نغرق
كندوز من حداك كنشوفك مور الزاج كحال مخربق
عاقو بك صوحابك ملّي شافوك بديتي تعرق
مشيت فحالي بقيتي معاهم مورّق
ملّي تسمع الباص قلب وجهك ودرّق
شوف وميز
هوا أنا
لعز نلّي كيحق وكحز نالخونا
مكتحملنيشي كتقول ونتا غير سامع بيا
مكتعرفنيشي فاص
مابيناتنا عربييا
كتشفني دايز مكرهتيشي الفردي تيري فيا
وهاد الشي كامل حيت الكحولا فقلبك قويا
قول علييا معنطز
حسن ماتحل عليا
وملي تشوفني مخزز
جري صفي الريا

كي هضرو كي قولو و أنا كاع ما علا بالي
التبرهيش التبرزيط سمحولي ماشي مسالي
تكابلني تساعفني تبقا شفايا دلالي
حيت كانعيش باش نموت و نخلّي راسي عالي

العز نالدراري ديالي لي فالحبس ولي فالزنقا
ولي فالغربا لعبا معاهم ولي مالحاق حتى ورقا
ودراري لي كنشوفوم من فوق لاصين مشالا حلقا
خوتي راكم فالدم
الوقفا ديالكم كنحقا
الدراري لي بلا بيهم الطريق ما كنت نشوقـا
صحابي راكم فالقلب حتى نآخر شهقا
سمانا ديما زرقا حيت عشران من أيام الحزقا
كيفما دائما غير الضحك حياتنا دايزا حمقا
مال بنادم مخبت مطبوخ محمّق راسو مكابلنا
كيشوفنا دوزنا ما على بالنا شكون فالزنقا غيرنا
من الدحكا موتنا خونا توسوس منا ولا حسدنا
يجبدنا فين ما كان معامن مكان بالهضرا هردنا
شداك آصاحبي تتبلا بينـا تفيق أوتبات معذب
كاع ماعلبنا بيك واش كاين ويلا كونتي جرب
ماكتعرفناشي شكون
إذا باغـي تعرف قرب
إذا كنت راجل طير
الشماتا كي يتقزّب

كي هضرو كي قولو و أنا كاع ما علا بالي
التبرهيش التبرزيط سمحولي ماشي مسالي
تكابلني تساعفني تبقا شفايا دلالي
حيت كانعيش باش نموت و نخلّي راسي عالي

🚨 BEST OFF MUSLIM ➡️ https://urlz.fr/mv62 🔥

اشترك في قناة مسلم الرّسمية : https://lc.cx/NUJD
Abonnez vous à la chaîne officielle de Muslim : https://lc.cx/NUJD

Biographie : https://lc.cx/WsVi

Booking/Press : ThuGFaCe@Gmail.com
Site Web : https://www.MuslimProd.ma

Suivez-nous sur:
Facebook : https://www.facebook.com/MuslimProd
Instagram : https://www.instagram.com/MuslimProdOfficial
YouTube : https://www.youtube.com/MuslimProdOfficial
Twitter : https://www.twitter.com/MuslimCB1981

©1996-2023
#MUSLIM #GA3_MA_3LA_BALI #AL_TAMARROD_ALBUM_AL_RISSALA