03 مسلم - دموع الويل (2008) | لايف وتلاوة مميزة 🎶

03 - Muslim - Dmou3 Lwil 2008 مسلم ـ دموع الويل

[اللازمة ] (X2)
دموع الويل سالوا على الخذ
كان مكتاب يسيلوا و يكون نهار الحد
و اللي بسبابو سالوا عينو عمرا تشد
هكذا كان مكتاب و القضاء ما يترد

[المقطع الاول]
خرج من الدار بالليل و شعط الباب
بلا ما عارف فين يمشي بين الدروبا ذاب
فظلام الزنقة يعوم و الزناقي بلا حساب
فراسو شلة هموم، فقلبو شلة عذاب
غاب، يفتش على السراب
و السراب غير كذاب
قال يمكن نرتاح إذا مشيت حكيت نالصحاب
ظنوا خاب، لسانو خانو و صحابو بانوا غراب
ما قدرشي ينطق حيت عارف الجواب
عاق بلي عاق و خلى دموع الويل تسيل
من عيون... يا ما سهروا عليه الليل
حس بلي ذنبو ثقيل
بلي عقابو الويل
بلي حدا جميع كفوف الخير كفة ذنبو تميل
سقى بدموعو الأرض اللي عليها زاطم
لصحاب ما فهموا والو
و هو نذنبو كاتم
خلاوه بوحدو يبكي
و ربي هو اللي عالم
دموع الويل تسيل و هو واش نادم؟

[اللازمة ] (X2)
دموع الويل سالوا على الخذ
كان مكتاب يسيلوا و يكون نهار الحد
و اللي بسبابو سالوا عينو عمرا تشد
هكذا كان مكتاب و القضاء ما يترد

[المقطع الثاني]
دموع الويل تسيل و السخط نازل
باقي يحرق فالدخان باقي حاسب راسو راجل
باقي تلف بين الندم و غنان
باقي ما بغى يتنازل
باقي حاصل فالويل
قال بغيت ننسى
الشيطان بينلو يسكر
هو ماشي زوبرو أذان لفجر
ما قدرشي يكمل و جلس فباب الجامع
الناس يقراو الحزب و هو منمّل سامع
بدا يطلع الصباح
ماشي فدرب طويل سمع الكلب ينبح
ملّي قرب لحمو تشوكت
شاف كيف القطة من أجل ولادا تموت فنياب الكلب
إنسان و دا العبرة من حيوان
حس بالذنب و جرى و الدموع تقطر
يطيح و ينوض يطيح و ينوض قاصد الدار
باغي يوصل و يطفي النار
ما كانشي عارف بلّي... زبقاتو الأقدار

[اللازمة ] (X2)
دموع الويل سالوا على الخذ
كان مكتاب يسيلوا و يكون نهار الحد
و اللي بسبابو سالوا عينو عمرا تشد
هكذا كان مكتاب و القضاء ما يترد

[المقطع الثالث]
وصل نالدار و دق
يمّا افتح الباب
أنا ولدك، كبدة ديالك جيت باغي رضاك
أنا طرف من لحمك و عارف القلب لي ربي عطاك
يمّا مربياني و عارفة ما نخطاك
ما نقدر على السخط ما مقد نعيش مسخوط
جيت آيمّا نادم و حقك فوق راسي محطوط
يمّا افتح الباب يمّا رد عليا
عارفك فايقة عارفك ما تنعس بلا بيا
غلطت فحقك ذنب كبير و طامع تسمحلي
افتح آيمّا الباب و ارضي عليا و دموعي امسحلي
يمّا فيا البرد فيا الجوع
يمّا ردّ عليا شعند الحس مقطوع
إذا ما ديتشي رضاك راه ما عمري نشوف الجنة
يمّا، راك أم و الأم رمز المحنّة
باش يكون مصيري الويل محال تخليه يكتاب
يمّا... يمّا افتح الباب

[اللازمة ] (X2)
دموع الويل سالوا على الخذ
كان مكتاب يسيلوا و يكون نهار الحد
و اللي بسبابو سالوا عينو عمرا تشد
هكذا كان مكتاب و القضاء ما يترد

🚨 BEST OFF MUSLIM ➡️ https://urlz.fr/mv62 🔥

اشترك في قناة مسلم الرّسمية : https://lc.cx/NUJD
Abonnez vous à la chaîne officielle de Muslim : https://lc.cx/NUJD

Biographie : https://lc.cx/WsVi

Booking/Press : ThuGFaCe@Gmail.com
Site Web : https://www.MuslimProd.ma

Suivez-nous sur:
Facebook : https://www.facebook.com/MuslimProd
Instagram : https://www.instagram.com/MuslimProdOfficial
YouTube : https://www.youtube.com/MuslimProdOfficial
Twitter : https://www.twitter.com/MuslimCB1981

©1996-2023
#MUSLIM #JLWK #DMOU3_LWIL